入冬aGain?

近日既天氣真係反常得令人驚，明明昨日穿tee，今日又要穿羽絨~ ※呢種天氣還特別令人沮喪，而且成街都病人，一唔小心就成為佢地一份子！真係要無時無刻都保持最高戒備狀態先得喇~

連續多晚夜歸既關係，累得連開電腦既動力都無，而且每次諗起個電腦既毒仲未解，今本就唔想掂佢！一連兩日睇o左兩套頗極端既戲，再一次明白"好戲"既定義實在係因人而異, 突然呢個變成一個Philosophy既問題添。呢幾日有好多零零碎碎既事發生，好想將佢地一一記低，但係呢一刻又有點糢糊，人既記憶真係好有限，尤其年紀佔大添~ 既然一生入面有咁多事要發生，倒不如盡量記低開心既先啦~! 係時候開始啟動"選擇性記憶"system喇! 諗住快樂既事，連寒冬都變得特別溫暖。多謝朋友們令我既冬天唔覺凍~ 希望好朋友們都能夠感受到呢份溫暖！

遺失了的愛

近日辦公室內既怨氣絕對可以媲美今日既濕度~
晚上離開殯儀館既時候，一位姊妹講起佢去韓國既經歷，突然有感而發咁話，"不論你有幾多才幹幾多恩賜，卻沒有愛，並不算得什麼。神既工人好多，謙卑既實在好少。" 我諗如果每個人都覺得自己比人優勝，覺得自己先最o岩，唔願意放低自己好好處理股怨氣，唔單只影響人，仲會毀滅自己！p 我諗唔會每件事盡如人意，實在要好好記住神最大既誡命...

今晚應該係我懂性以o黎參加既第二個喪禮。依稀記得幾歲o個陣，曾經去過太婆同爺爺既喪禮，最深刻係，家人話唔喊就代表唔孝順，迫我一定要有眼淚。當時極為硬頸既小妹妹，最後當然唔肯喊啦，結果被痛罵一場~ 親人離世或患病既消息彷彿最近聽到好多，就參加喪禮之時，收到朋友既sms得知佢外婆剛剛過o左身，當每日都收到呢o的消息既時候，恐怕人會漸漸變得麻木...要好好堅守誡命真係要Pray Hard~!! 因為愛係從神而來， "當你有好多好多愛既時候，你唔會咁易嬲，人家話你都係拎你少少愛走o者~ 你仲有大把!!!" 多謝祂的愛~!

喜訊連連

繼前兩日收到兩張三月既喜帖後，今日又收到個好朋友明年三月既喜訊，真係喜氣洋洋~ o係度將好友贈我生辰既祝福，轉贈俾呢幾對朋友先得：「在天願作比翼鳥，在地願為連理枝」祝佢地愛既承諾此生不渝！~

l「我們的會幕是否存有約櫃？」事奉及敬拜不是在乎形式，It's about our HEART~ 道理並唔難理解，實踐卻很難。其實每一個課題都有佢學習之處，老師昨晚問同學們o係以下邊種situation較易投入敬拜: 心靈肅敬安靜之時? 熱切投入讚美之時? 全情為主工作之時? 追求至聖真道之時? 結果當然每個人都有唔同啦，還以為老師只係想提醒我地要"接納"人地既不同，原來我地最唔慣最唔鍾意既方式，或許就係我地最需要學習既地方。

唔諗返，唔寫低，差點就將課堂忘記...

Catch me if you can

每次教完o的三、四歲既小朋友，心情都變得特別開朗~ 佢地真係曳得好可愛!! 彷彿連早前既怨氣都一掃而空。一邊同小朋友講要彼此相愛，一邊諗...自己都好似唔係好做到，彼此傷害就有~ 嘻嘻^^ 實在要好好反省!

今日練過歌、同好朋友聊過天又吃過飯，突然間覺得自己早兩日愁得好無喟~ 常常帶住唔開心既心情真係好容易生氣，生氣就好容易犯罪，講傷害既說話做傷害既行為... 久而久之就會犯眾憎~ 咁咪中o左魔鬼既詭計囉!! 以後我會加倍小心... "哼~ 想我跌倒...休想!!"

在此本人衷心對被傷害者致歉~ 真係好對唔住!! d

《最終回》

成個上晝都戰戰兢兢，每隔兩秒就望下個鐘，直至等到佢既出現 ─ 老闆！

唉~ 終於將件心事了結，希望無餘波啦！鬆晒~

餘下既一個月命應該好好enjoy...b...哈哈~

點解連區議員都會咁騎喱o架！天氣凍並唔係一個可以接受既理由呀～ 如此postpone一星期，令我地陣腳大亂，搞到我都無乜心機去添！明天的事明天再算，下星期的事可否下星期再算呢？外來既因素唔足以令人失望，難道技窮都係罪？！總而言之都係我唔好，還連累了人家！一切都係《最終回》！No turning back... No turning back...

左耳入右耳出

後記: 旅行既第二晚，一班團友o係酒店外興高采烈咁燒煙花，

一個樂極忘形既團友，不慎將手上既龍吐珠射向我，

煙花o係我喉嚨爆出，當時我除o左感到痛楚，亦頓時失去聽覺。

幾秒後才慢慢聽到聲音，之後整晚左邊耳都聽得唔清楚，

心裡默默祈禱，實在有點怕而後唔可以再左耳入右耳出。

事發既第二朝早(即係琴日)，左耳還不時聽到高頻率既噪音，

令家人非常擔心，直到今日左耳運作已經完全正常，

亦無影響今晚練習既進度！

真係要感恩呀~~

陽春之旅

with my cousin

三天陽春之旅終於結束喇! 原來除了陽春仲去埋肇慶(表妹家鄉)、陽江(舊朋友家鄉)、開平(阿姨家鄉)...感覺好特別~ 行o左幾個鐘車先去得幾個縣，每次既車程都最少一小時，最遠o個程要差唔多要五個多小時，坐得有點腰酸背痛兼頭暈作嘔^^ 中國實在係太大。除o左去過多個景點外，途中經過過大大少少唔同既村落，大多係較貧窮，而且感覺都幾荒涼，當然低處未算低。沿住高速公路兩旁都係乾旱既田地，間中會見到一o的睇起o黎唔夠十歲既小朋友落田耕種，旁邊又有小朋友赤腳o係瓦礫上面玩耍，仍然流露住天真既笑容。細個o個時最怕就係返大陸，總覺得「大陸 = 骯髒 + 簡陋 + 打劫 + 奸詐」。雖然今時今日去到都仲有同樣既感覺，但係...亦睇多o左另外一面~ 呢三日既所見所聞，令我體會到不管佢地係找續時故意找少錢、排隊去廁所時故意打尖、故意除地放飛劍&大小便‧‧‧天父都一樣愛呢班人！又上o左寶貴既一課~

brb

(me @ yuen long now...couldn't type in chinese arh)
It's TRAVELLER's 2nd shot today~~ a serious one eventually...special thx to our new team-mate!! way to go~
Gather w/ ex-Joshuaaa fellows 4 dinner @ New Century...v should c each other more often la! 2 much time spent on ice-breaking~~~

p.s. leaving h.k. @ 0715 ... goin' to an unknown place called "yeung chung"... b back in 3 daysss~ Mainland China... i'm cominG!!

Family's Holiday

"恭喜! 恭喜!" 係今日三歲到八十歲都講住既說話~
好耐都無試過唔駛教鬧鐘就去訓覺喇! 琴晚呢一覺訓得特別甜~
今年既大年初一，氣氛並不特別濃厚，天氣都無特別寒冷，每年初一都跟麻麻姑媽姑姐等家人食新年飯，今年都唔例外，更一如以往咁分成"大人席" & "小朋友席"兩圍。細個o個陣成日都幻想有一日會坐o係"大人席"o個邊，好似好威咁~ 但係今日都仍然被編o係"小朋友席"既我，開始明白原來當我大個既同時，表哥表妹表弟們都一齊變大o左！或許要等我有小朋友先有機會入到"大人席"喇~
新年真好，見到街上面既大小families，感覺都特別溫暖~ 除o左農曆新年，呢o的畫面都較為罕見! 有家人...實在係應該好好珍惜~ e

賣懶

年三十喇~ another year has past...
watched "The Incredibles" @ Cyber Port~ It was incredibly good!!!! gotta watch more of this type which makes the world bright^^ hohohoho...i'm loving it!

dear fds...天氣多變，小心身體呀！

Complicated LoVe

過去三日不出閨門，今朝踏出門口既感覺份外興奮!! "我返工喇!~"
幾日之間大地彷似回春o左! 今日竟然有二十四度

上星期因公司團年搞到miss o左堂神學精義，仲miss埋個mock exam，前幾日有機會做返，不過個result就真係丟臉死~ 1 out of 14! 不得不加緊努力呀 *___*
今晚呢堂講"愛"！究竟愛係乜野？可分成呢幾種．．．
Love as "like"；Love as "affection"；Love as "friendship"；Love as "passion"；Love as "charity"
以上somehow related / somehow overlapped but they are not the same! 先要明白愛既本質，otherwise it becomes addiction!~ 越諗越覺得複雜．．．老師形容神既愛係"激！！！"
激烈、嚴厲、黑白分明、顧惜、憐憫、不捨不棄！Not only based on 情 also 講理！呢份愛同呢個course一樣一o的都唔簡單~ 老師話我們必須矯枉過正，相信當我明白矯枉過正既意思既時候，我都必定能夠矯枉過正！再深入一個既反省問題，咁我地又點去balance愛心同道理呢？可否做到Christianity既中心一樣，not only moralistic ALSO relational！

dizzy daisy

中藥苦，西藥散~
吃過三劑中藥都未見好轉，結果要看西醫吃西藥+訓足一整天! 還未開始放新年假，身體機能已經提早申請假期。心肝脾肺腎，撐下去呀！好快有假放o架喇~


牆在哭，門在哭，窗在哭， 毛巾三日不停哭。。。
90%既濕度、迷濛既霧氣令所有東西都顯得沮喪，唔知幾時至會見清天呢？

苦~

"咖啡是苦 空氣是苦 膽汁更苦 涼茶也苦 郤未似 沒有了你那麼苦... "

忘了帶埋你返工，沒了你最後苦茶都飲唔晒，沒了你真係好苦呀! 山渣餅~
咳得令人想講講唔到，想做做不到，想諗諗唔到，想返屋企又返唔到。。。

"...也許受苦 心有城府 擔起痛苦 才明痛苦 也是個道理令我再不苦"
... 都係乖乖飲苦茶吧！