朋至遠方來

剛剛送走了舊公司的同事們，各美女山長水遠霧住大風雨，分別由香港仔、元朗、屯門&小西灣來神學院探我，塞埋車可能唔止兩個鐘車程~ 實在勁感動，各位真係好有心。熱鬧中渡過了五個鐘，分享我地幾十本結婚當日既照片&video，笑聲大到成層一樓都聽到^^ 多謝你地呀~~~

望見天虹

「大雨灑、風在颳」是今晨乘搭682巴士時﹐見到的景象﹗天文台又用黃色暴雨警告﹐來開始新的一天~

昨晚吃過婆婆造的豐富晚餐﹐一早還覺得飽足。外面的食物多好﹐也不及婆婆用愛心為我們造出來的晚飯美味﹐我們還外賣了一壺滋潤靚湯回家。她要逃避我﹐便由得她吧﹗最重要是婆婆食得高興時﹐還可暢所欲言。婆婆昨晚突然提起身後事的問題﹐雖然這是必然的事﹐但我有十萬個不捨~ 搬到翠林的日子﹐婆婆一定受了很多委屈﹐每次都總是有吐不盡的苦水。臨離開翠林之前﹐我們也和婆婆一起禱告﹐唯有天父可以每天伴著婆婆﹐希望雨後真的能夠望見天虹。

何時感動我﹖

昨晚Ivan的馬美同學﹐過左黎我地間房﹐分享佢過去二十八日印尼短宣既感受﹐我都係第一次認識呢位姊妹。原來呢次已經係佢第三次到印尼短宣體驗﹐佢同我地講﹐覺得神正在呼召佢走向印尼宣教路。Ivan話如果神真的感動了馬美﹐有一日也會感動佢既丈夫~ 呢句說話﹐好似係前幾日沈姑娘黎探我地果陣講過! 雖然方向唔一樣﹐不過situation係有點似既~

真的要感動我嗎﹖

愛惜生命呀~

Just read another car accident news on paper this morning. A young driver lost his life in a sec.

年少時﹐常認為「愛惜生命」好老土﹐以為自己大把時候無須要珍惜。年紀大了﹐發現日子實在過得好快﹐怕學懂愛惜生命之前﹐已失去生命。

my dear cousin, i definitely don't want to see you on paper like this. pls take good care of yourself & your passengers. always remember, your family loves you!

深不見底

以為見到谷底，突然發現，上帝既愛深不見底！

thank you for sending us angels~
we are blessed!

陳宅

祝奶奶六十歲快樂~
多謝阿哥豐富既晚餐，辛苦晒！住家飯特別好味！謙仔好快就兩歲lu~

Never Forget

Happy Birthday to Katie~ 原來奶奶都係今日生日架！
Celebrate lunch@鯉景灣 with my lovely 同事，傾下笑下，個半鐘既lunch hour都唔係幾夠。

放工後，坐左45分鐘巴士入香港仔，一個人搭檯食完餐飯，就上陳生教會等，三個鐘後，再坐多近兩個鐘車返浸神(my home)‧‧‧

唔駛罰抄一百次 「I'll never forget my key at home」，我都好肯定唔會再有下次~ 我唔敢喇！

晴朗的一天出發

在晴朗的一天出發~ 今日既天氣好好呀!

第一次聽住FM903坐巴士返工﹐感覺比聽我部MP3入面既舊歌精神多﹐若不是陳生提一提﹐差點忘記自己部MP3有radio既function! “習慣”真係會令人安於現狀﹐而且唔再去發掘“新”事物架! 好喇~ 夠鐘開工!!

哎呀~ 忘記帶屋企門匙呀!!! 要入去香港仔等陳生放工喇 -_-"

試用過

三個月既probation轉眼過左lu~ 由今日起，可以享用公司既medical benefit喇！唔係真係想用得到，不過我應該係其中一個好多機會享用既員工！

臨放工之前，兩個departments開左個MBO會，第一次接觸MBO既我，當然係一頭霧水。從來唔會為自己set objective既人，一個星期後要同上司講解自己未來半年及一年為工作set既objectivessss -_-" my goodness~~~ ummm... Objective #1: 一年內都準時放工 ---> I should be able to achieve it!!

成長中的小果子

知道fefe開始有穩定既教會生活，實在好感恩！今晚有機會認識K.H.就更加戥佢地開心~ 雖然同fefe已經唔係日日見面一齊工作，但係感覺比以前還要close，We are one in the bond of love呀嘛！世事好多時都係估唔到既，don't be too surprise~ 都唔係咁難相信o者?!同阿達做個好團友吧！

希望fefe既公公早日accept Jesus too~

My Workplace

今早不論由西澳到馬鞍山再出Quarry Bay既路途﹐都非常暢順﹐所以比平時早左少少返到公司﹐只係用左1個鐘零3個字咋﹐到達時間係8:35am! 不過我都唔係最早果個﹐Onodera-san同Fujita-san都已經開緊工做緊野。無論我幾早﹐都好少早得過佢哋﹐日本人實在勤奮~ 襯住無乜人又咁寧靜﹐幫我個位影左兩張相^^ 原來仲有幾日﹐我就o係度做左三個月喇!


<--我個位係少數地可以差不多望晒成個office既位黎架^^ 身後就只有我上司一人﹐@office既盡頭~

Dinner@ Mom's home tonite...1st time seeing each other(after Jun 3rd), 1st time speaking to each other after the incident(with no eye contact)...

Sweet 16th^^

<--四口子的Happy Family











Happy Birthday彤彤表妹~
一連數天既慶祝活動要開始喇！雖然今日唔係正日，不過十六歲既香港少女，仲咁樂意俾家人同佢慶祝生日，算係咁啦~ Sweet Sixteen^^
... how did i celebrate my sixteenth birthday??!!

Mania!

Yeah~~~~ Wooho!We bought a new board game today!! 多左一樣康樂活動招呼朋友喇！可是呢個Pictionary, at least 要四個人先玩得到，唔知幾時先可以剪彩呢？！

Special Thanks to our Sponsor: 阮姊妹

衝衝世界杯

世界杯終於告一段落﹐各香港球迷可以有覺訓。

今年因為一場都無睇過﹐覺得世界杯衝衝就過左﹐無乜特別感覺~ 無辦法﹐年紀同體力朝住相反方向走既時候﹐實在唔容許我好似以前咁捱更抵夜﹐又或者係我對足球既熱誠未夠。不竟四年前﹐都仲可以多次零晨三點幾﹐渣車落Richmond同班朋友睇波﹐睇完唔駛訓再返埋崇拜都仲精精神神架~ 都幾懷念年輕時﹐虛度光陰既日子!哈哈~ 咁又四年!!

實在佩服昨晚睇完法國對意大利﹐五點幾先訓既同事﹐今朝可以準時地坐o係office!! 勁~ (唔知佢地知唔知自己做緊乜呢﹖!嘻嘻~) 另一批有先見之明既波迷同事﹐早早請晒假﹐今日全部disappeared~

「更新」

好熱呀~ 自問唔算係大汗type，但係皓熱既天氣，猛烈既太陽，令我單單由學院行出去巴士站短短既路程，已令全個背脊濕透，就連路邊既狗便便，都曬得又乾又脆。炎夏begins!!

上個星期病左無返崇拜，所以今日先正式體會教會既崇拜更新。還以為只係崇拜時段有變動更新，今日先知道「更新」不只留於外，亦同時focus崇拜本身真正既意義。Focus on Jesus, it's just the beginning of worship!

Dont' Wait

The light will shine and fade away...
Days will passed...
Don't wait!

重見光明

終於退燒~ 雖然今日都只係能夠返到下晝﹐不過總算可以重見光明﹐唔駛對住宿舍四面牆+天花板﹔同埋吸住自己呼出黎既細菌。bye fever~ dun wanna c u again!

上星期五以為自己好返D﹐可以返工&去玩﹐點知夜晚回家又返燒。。。失敗! Anyways, I'm still glad that we went out~ 應該唔會有好多機會: "birthday for 1; presents for all" 唔知揀禮物可唔可以表現出personality呢﹖!