好久不見

呢排突然meet好多人，esp.好耐無見果o的! 上圖係toronto既"勁食男女"，無見兩年幾。下圖仲耐，無見Silvia都有7年，呢個三人既配搭，都起碼有十年無出現，感覺好似去返high school年代咁~ 大家都無乜變丫我覺得^^

life is sharing

有 人鍾意三五知己，有人喜歡大夥兒。唔知今晚呢個主角，較享受邊種慶祝生日既氣紛呢？Anyways, thanks Ho for giving us a chance to gather and share part of your life! 預祝你生日快樂，早日search到你既goal~

Be strong!!

今日分別meet左兩個好耐無見既朋友，lunch time meet既舊同事已經有7個月無見喇！夜晚見果個，都自4月o係Vancouver見過到而家。開心架~ 可以見返舊朋友，而且知道好友咁硬淨，無怨天尤人，仲咁快就可以積極面對現實，I’m so proud of you! 原本諗左好多安慰既說話，最後反而被激勵！將來要面對既，唔會比而家容易，朋友，加油呀！

最近收到既forward mail:

ㄧ封爸爸寫給四歲女兒的遺書

給可愛的女兒：
爸 爸和妳玩了好多次躲迷藏，每次都一下子就被妳找出來。 不過這一次，爸爸決定躲好久好久。妳先不要找，等妳十四歲（還要吃完十次蛋糕）的時候，再問媽咪，爸爸躲在哪裡，好不好？爸爸要躲這麼久，妳一定會想念爸 爸，對不對？不過，爸爸不能隨便跑出來，不然就輸了。如果還是很想爸爸，爸爸就變魔法出現。因為是魔法，不是真的出現，所以不犯規，爸爸不算輸。
爸 爸的魔法是：趁妳睡覺的時候，跑到妳夢裡大玩遊戲；在妳畫圖畫爸爸的時候，不管好不好看，妳覺得是爸爸，就是爸爸；當妳拿爸爸的照片看時，爸爸也在偷偷的 看妳……。要記得，爸爸一直都陪著妳！妳已經是四歲的大姊姊了。爸爸要拜託妳一件事，要妳照顧和孝順爺爺、奶奶和媽咪，看妳是不是比爸爸以前做得好？有多 好，媽咪會告訴你的。爸爸猜想，我們這一次玩躲迷藏要玩這麼久，爺爺、奶奶、媽咪有時候看不到爸爸，他們一定會偷哭。偷哭就是犯規、就是失敗。他們偷哭， 妳就要逗他們笑，不然遊戲輸了以後，他們一定會哭得更厲害了。
好不好，寶貝？我們是同一國的，來比賽看妳厲害，還是爸爸？
準備好了嗎，比賽就要開始了！

Dear my friend, dun be afraid, we'll be there to support u!!

時光從未停留

香港唔單只節奏快，天氣轉變一樣咁快，今日穿埋件外套都感覺有點涼，終於唔駛開冷氣訓喇！呢次亦係我回流後，第二次感受到夏轉秋。

晏晝麥牧上左黎ACM既choir practice，分享剛剛九月北美tour既片段，突然勾返起我半年前join果次tour既記憶，原來都已經係半年前發生既事。好似人越大，時間過得特別快咁既！

今 晚三個人走左去睇《童夢奇緣》，完場o個陣，好多人都喊到豬頭咁，陳生話以為去左佈道會！坐我地後面既後生仔，喊聲淒厲到有點令我心寒，如果真係佈道會， 唔知陳生會唔會行埋去為佢祈禱呢？！o係呢個負面既社會氣紛底下，睇一套正面地講親情講人生既戲，都不失為一個好既安慰及反醒。 戲入面有個阿伯大概係話：「人生可悲既地方係過左去就無得返轉頭；而可喜既係明天仲有希望。」突然諗起一位好朋友剛患上血癌既爸爸，仍然情況唔穩定... 心一沉鼻一酸，眼淚都忍唔住~ Other than珍惜眼前人，knowing Jesus都好重要，時光真係唔會停留！

感動

一 位好organize既bridemate，為一個懶惰既bride-to-be reserve左今早o係沙田既試妝，雖然見佢不停打喊路，但係都撐足兩小時無怨言！辛苦晒呀！更加多謝bridemate呢份禮物，不只我好感動，就連 老板娘都話覺得好感動！Thx so much！ｙｅａｈ～又完成一個task喇！


剛睇過一個可愛bb女既近照，真係好可愛架，由其是佢兩塊面珠～ 點解大個女之後，無人再讚有兩塊大大既面珠係可愛既？！

下年見！

今 晚專程同兩位多倫多旅客敘一敘，最開心當然係陳生，成晚同Bobby講唔停，其他人變晒搭檯咁~ 連阿Jane都無人理，哈哈！可惜剛為人父既Patrick，最後因為擔心太太同Daniel仔，都係返家做廿四孝爸爸無黎到！不過佢實在係一個爸爸既好 榜樣~ 希望我地都好快可以探下Daniel仔啦~ 更希望明年見到Jane&Bobby添!

孩子乖乖

因為慶祝陳生既爸爸生日，下晝去完尖沙咀個書展出隊，就乘船去南丫島食海鮮！估唔到南丫島咁遠，"躉"左大半個鐘船先到，差o的嘔咁製~ 仲要十幾人等我地倆個添！哈~ 真係唔好意思！
好耐無見小謙謙喇！不經不覺佢都已經一歲lu~ 佢既身形都唔係幾似Ivan既阿哥，細細隻好似佢媽咪咁。不過人仔細細都幾大力，可能因為少見我地，想同佢影張相都確係唔易，佢係咁走佬~ (see picture) 差唔多去到飯局尾聲，先肯俾我抱抱咋！

驚魂未定

因為Ivan今個weekend要留o係烏溪沙，我唯有長途跋涉入去馬鞍山食飯啦！ 我呢o的懶人，十年都唔去一次咁遠，一去就出事！o岩o岩步出餐廳，就收到媽咪緊張聲既call，知道婆婆一個o係屋企又暈又嘔，自己又仲o係老遠，開始有o的慌，加埋陳生o的唔知咩反應，又真係令我有o的燥~ 之後既動作，當然係拿拿聲搭車返屋企啦！趕到既時候，一入屋淨係覺得成屋都係人，婆婆o的茶友雀友同我呀媽都o係晒個客廳，原來呀媽知我唔o係屋企，就call附近o的人黎睇住婆婆先，o的茶友雀友都真係唔話得，我返到黎o的人就散lu~ 幸而今次婆婆無乜大礙！
其實事因可能係琴日佢去覆診，照完一大輪鏡，今日唔舒服仲走去打左十二圈所至，不論係咩因由，婆婆相安無事都實在要感恩，頭先佢仲識同我講，頭暈暈o個陣係咁不停祈禱個心先定o的。哎~ 希望佢識祈禱之餘，仲加埋識愛惜健康啦！

中國心

琴日放左日公假同陳氏姊妹行街街，搞到今朝仲帶住顆放假心返工添！又會咁易心散既！

今日係中國既大日子，除左一早發射左隻神舟六號，今晚亦係全運會既開幕禮。就咁o係屋企睇電視，都唔係幾感受到o個種興奮雀躍既氣氛，不過我都幾鍾意睇運動會。開幕當然唔少得唱國歌啦！中國國歌都幾有氣勢，但係我都係覺得唱"O Canada"感受大一點！實在要好好鍛鍊我顆中國心，唔係下個月北上o個陣，點唱都無說服力or感染力啦！
「‧‧‧我們擁有一顆赤誠的中國心，愛民族，愛同胞，愛地上的每一個人。」─ 《迦南詩選》

返黎返去

已 經諗唔起，對上一次返左屋企之後，再出夜街係幾耐之前既事。今晚為左兩位fully booked既Vancouver旅客唯有破例啦！Henry同Joanne都成三、四年無返過黎，估唔到一“返黎”就o係短短兩個禮拜內病兩次，係 溫哥華人嬌生慣養，還是香港人真係較捱得呢？！嘻^^ 好多謝兩位百忙之中都同我地短敘一下，可以o係香港見返o的Van.人，真係特別開心架！可惜過幾日兩個又走“返去”lu~ 唔知幾時先有機會再見呢呵？！

返黎、返去‧‧‧家在那裏？

Well Prepared!

早兩日仲兩個人傾緊，究竟淨返幾多堂婚前輔導，怎料今日沈姑娘黎到就話係最終回。雖然話之後有follow-up，不過我地兩個都有o的唔捨得~ 哈哈！大家都實在太享受成個傾談既過程(扣除做功課果part^^)！呢六堂既時間，俾我地都學左好多、反醒左好多、而且了解多左。兩個人和睦相處真係一個好深既學問(at least對我黎講~)，再牽涉到教會層面，真係極之需要上帝俾我地智慧！諗起都有點戰戰兢兢~

最後既呢兩堂，都真係俾我地一個好好既心理準備，“婚後既期望”--- 唔問我地，都無諗過有咁多野要顧，又或者諗得好ideal。不論家務、經濟、個人空間、教會事奉、等等等等分配都唔係咁易，雖然到時實行都未必同而家plan一樣，都起碼有個譜既！加上諗過下都無咁亂啦...應該~^v^~

數數手指，今日原來係我五歲生日喇~
漫漫長路 ─ 雖有難行時，卻無時無刻有天父同我同行！
I'm thankful coz you have sent me angles~

I'm 香港人

after 2 days of sick leave, here i am! back to the office & having my chicken wing lunch (sitting next to micheal again)~ i was so excited to go to work this morning! can't believe how i miss my workplace, the last two days have been miserably painful~ both physically + mentally... i discovered that lying on bed, searching on the internet & watching tv no longer enjoyable when doing it for 2 days... can't imagine what would happen if i lost my job.(touch wood)
my goodness... becoming so much like a typical 香港人~

職業病

聽聞近期患流感既數字不斷上升，o係咁既環境，我又點會走得甩o丫！今日咪唯有乖乖地o係屋企休息囉~ 天氣一開始變，又要一段時間適應。
公司剛剛請左個外籍既新GM，唔知黎緊會唔會改革咁呢？！我就幾期待佢話將會請多D人，咁就唔駛忙個不停啦！唔知係咪職業病，拎住手上幾包藥，好想search下佢有咩作用添 -__-"

o係bridemate既積極搜尋下，琴日終於book左個試妝既日期喇~ 真係辛苦晒！真係無諗過咁早D人就reserve晒，等我仲懶懶閒添~ Hopefully 試一間就掂啦！

inevitable?!

收到一位溫哥華舊團友既死訊，再一次提醒我‧‧‧無野係必然！

In memory of Bonnie,

Will meet again in Heaven...

又一小生命

旁晚時份收到馮生馮太既大喜訊，８磅多既小Daniel下午四點幾於法國醫院出世喇！o岩o岩趕到每年生日都有假放(as long as he stays here in h.k...) 聽聞Daniel仔係o係《同在的神--以馬內利》播放時(@產房)，黎到呢個世界架！等我都o係呢樹祝福佢，o係天父既恩典中成長，一家同心事奉耶和華！

今晚去左荃灣參加嫲嫲既壽宴，見返成圍一年見兩次既表兄弟妹，每次感覺都無變，依舊陌生，確實幾怕呢o的場合，真係不知從何說起，多謝文文表妹樂意展開話題，氣紛先無咁odd。無辦法啦~ 今年連細佬都唔o係香港，不過都好在有陳生o係度撐o下場，雖然佢經常保持執默，但係我相信佢係默默支持我既! 咁都無咁孤單丫~

今云又再次要面對上一代既恩怨，除左無奈，我都唔知俾咩反應佢地好！可唔可以放過我呢？係咪真係每對新人酬備過程都會遇到好多問題架？唔好扼我呀！？