活在當下

to me, "Closer" was a flashback... an admonition~

前幾日仲compare緊o的 Van. & h.k.既不同, 今晚神就當頭棒喝, 叫我: STOP!! 多謝 W.H. for being our spiritual connection~ 你今次自己嘔錢買機票返o黎絕對冇waste到...大部份既前耶團bro & sis. (no matter 返o左o黎h.k.九年or 六年or 未夠一年) 不論對香港既生活, 天氣, 團契, 教會, 等等等等...都有好多不滿, 感覺都幾灰~ but 最後有sis話 "h.k. is a sick city... either physically or mentally! 但係我o地返o左o黎就要accept the fact that we r a 香港人......" 相信生根需要時間, 更需要決心! 對我o黎講亦係件難事... 離開h.k.十一年, 過去一年香港生活physically + mentally 都 continually sick~ 今晚17個人坐埋一齊, 有的剛剛被癌症煎熬, 有的剛剛為人父母, 有的剛剛轉換新既工作方向... 簡單快樂既日子邊個唔想留住, 但係神放我地o係o度必定有原因, 我諗我地都應該用更積極態度去面對... be the healthy one in a sick place, we could make a difference!!

或許"比較"會令我地無法向前, 但係擁有"比較"既機會... 都好值得感恩~

ex-jeremiah

HisStory...HisPower!

知道婆婆short-term memory較弱, 前幾日同細佬兩pair人夾份買o左部MP3俾婆婆, 希望download聖經俾佢日日都聽下, 可以認識得幾多就幾多。琴晚正式開始啟用喇!~ 我地一共save了約翰福音一至十章, 等佢慢慢吸收... 怎料, 婆婆昨晚聽到零晨三點幾至訓, 一口氣聽o左五章, 若果唔係部MP3無電, 相信佢會聽到尾! 今日還不停同我地講話"好好聽呀~" 起初仲係有點擔心, 唔知佢聽得咁快會唔會唔入到腦, 點知我都未擔心完, 婆婆(&神)就proof俾我睇! 今日佢幾個朋友黎探佢, 佢立即話過人地知佢聽o左o的咩~ 「...講話呀....o個o的猶太人唔信耶穌呀... 耶穌行神跡醫好個病o左三十幾年既人呀!~~......」我既信心實在太少, 我都係擔心下婆婆聽晒本聖經我都未睇晒好過!
“Send us around the world with the news of your saving power and your eternal plan for all mankind.”--- Psalm 67:2 (LB)

Hong Kong vs. Vancouver

有意無意click左入一個Vancouver團友既photo album, 見到班"幸福"面既舊團友(^o^), 頓時勾起一大堆回憶~ 除o左掩唔住既福面外, 大家都無乜點變, 好似唔係幾識老咁既, 樸素依然, 特別係姊妹, 縱然不施脂粉仍然青春可人^^ 好耐無見過咁多唔將大堆顏料撻上塊面，都咁樂意拍照既女仕們! 好感動* 懷念簡單樸素既日子! 一年多...還是未太習慣香港多姿多彩多變多人多車既生活模式…
今晚再次踏足觀塘某貨倉十二樓, 四個人都有三個幾月無gather! 雖然帶著點點疏離o黎練習, 但係大家都好期待我地既處女show! 突然想起TOAST添~ being sentimental again* 可憐浩浩帶病都出席, 辛苦晒! 希望佢早日康復啦~ 查實以我o地今晚既進度, 只練多兩次真係可以幾恐怖!! 但係要spare多一兩晚出o黎又較為困難, 點解香港人會咁忙o既呢?! 躊躇...h

學海無涯

究竟"憤世嫉俗"同年紀有無關係既呢?!
經常聽到年輕人對生活抱怨, 又對自己家庭既不滿, 總覺得呢個世界有好多不公平既事。正如Pastor Yiu 前日所講, 成個culture都佈滿呢種風氣, 打開報紙唔係揭人私隱就係種種投訴, 人都慢慢變得唔識欣賞只會埋怨, 最善長雞蛋裏挑骨頭。要o係o的睇唔過眼既人和事上面, 發掘佢地既優點, 將咒詛變為祝福, 相信須要一點時間去操練, 更須要恆心~ 我諗我有排學... 不過相信只要我靠著那加給我力量的, 凡事都能作既!
正所喟學海無涯~ 不經不覺, 昨晚既神學精義課已經第四堂, 彷彿一次比一次恍惚~ 老師道: <用豬四海交通>實在令我摸不著頭腦, 以色列人為何用豬到四海呢? 後來才得知該是<用諸四開皆通> 講緊既係以色列既律法 -_-"" 都怪自己無好好留心... 或許我太草根, 係時侯提高下自己既文化水平!

Welcome Home

婆婆昨天返家了~
十二日既醫院生涯, 終於都過去! 同時亦結束我孤苦伶仃既日子~
記得前幾日o係灣仔地鐵站見到一個廣告燈箱, 上面有兩句說話大概係: 《事情看來淡了, 挑戰才剛開始》突然好有共鳴。 責任多了, 不經不覺人都成長了! 難怪今日o個位未夠廿歲既弟兄話我講野似佢媽媽~ 識o左都有幾年, 今日先發現自己比人家大六年 -___- 都好耐無同o的不足二十既朋友仔相處^^多謝小弟弟呢餐晏!
諗起自己十多歲時既光境... 今日必須感恩! 我會好好珍惜^^

像小孩

唔知係香港細, 定係溫哥華真係咁多Chinese? 剛入住婆婆隔離床既一位貴婦, 一家都係o係Vancouver返o黎o架。 兩位公子同千金前幾年畢業於UBC, 個女比我大一年，我同佢講話我同我男朋友都覺得佢個女好靚女, 貴婦立即好proud of 自己個女咁話: 「佢俾SFUo的人封為校花架! 專登走去UBC睇佢, 話佢似李嘉欣wor...而家無咁似啦!!」-_-"" 實在係一個十分痛錫子女既典型媽媽。
Hmm...唔知我又有無o野值得我阿爸阿媽去驕傲既呢??

今晚團長o黎o左探婆婆呀~! 佢見到團長不知幾高興，不時偷偷地笑，仲話俾團長知晏晝院牧o黎同佢祈禱，問婆婆有咩想祈既時候，婆婆立即答：「我想柯到屎!」我立即忍唔住大笑~ 實在有點搞笑! 婆婆好認真咁話：「唔係搞笑呀! 佢真係咁幫我祈架!! 祈完冇耐(不久)我就有得柯喇! 真係好靈~ 仲柯o左四次添呀~ 鬆晒!」哈哈~ 婆婆用既terms真係頂瓜瓜! 今日婆婆個朋友o黎探佢，見到佢做完咁大個手術仲咁精神，叫佢記得出院去還神！婆婆o拿o拿聲話：「唏! 唔駛架! 天父知架喇!」真係好勁~ "她的信心救了她!" 婆婆既心就好似小朋友一樣!

『耶和華是我的力量，是我的詩歌，祂也成就了我的拯救。』（詩篇118:14）

Journey

It's a long long journey
Till I know where I'm supposed to be
It's a long long journey
And I don't know if I can believe
When shadows fall and block my eyes
I am lost and know that I must hide
It's a long long journey... Till I find my way home to you
Many days I've spent Drifting on through empty shores
Wondering what's my purpose Wondering how to make me strong
I know I will falter I know I will cry
I know you'll be standing by my side
It's a long long journey... And I need to be close to you
Sometimes it feels no one understands
I don't even know why I do the things I do
When pride builds me up till I can't see my soul
Will you break down these walls and pull me through
Cause it's a long long journey
Till I feel that I am worth the price
You paid for me on calvary Beneath those stormy skies
When Satan mocks and friends turn to foes
It feels like everything is out to make me lose control
Cause it's a long long journey... Till I find my way home to you

小宇宙從現

小休一天, 探過婆婆, 洗淨一大籃衫, 拜會完大夫, 飲埋苦茶, 明天又繼續努力!

呢兩日婆婆既精神明顯地好轉, 仲開始發揮佢既小宇宙添!
今日醫生已經將婆婆身上既所有既喉管拆除喇! 行動頓時自如返晒~ 住o係婆婆隔離床位既福建婆婆, 今朝因為身體不適不時嘔吐, 面都青埋! 婆婆見到福建婆婆去完洗手間出o黎, 立即擒起身大叫: 「喂! 你因住暈呀! 叫姑娘幫你o丫嘛~」差o的就'鏢'落床自己去扶人o地!! -_-"

每日去探望婆婆既時候, 都只係想俾佢多一點既鼓勵, 希望佢會康復得快o的...無諗過婆婆堅毅不屈既性格, 反而成為我最大既鼓勵! 佢亦開始懂得注意自己既飲食, 無再唔聽話亂食野...
我諗: 懂得愛惜自己、唔令愛自己既人擔心, 係對佢地最好既回應。

身心健康

每次參加o的一年一度既活動, 都似在提醒我一年既光陰又飛逝了~

見到一班熱心事奉既ACM義工及同工, 自己都真係要加倍努力服侍神至得喇!

無疑......身體既健康都好重要! @_____@"

Be HIS witnesses

毫不猶豫地應邀o係今晚既priase&worship入面, 分享婆婆今次呢件事... 收線後開始怯~
o係公司不停地諗點organize成個過程去講呢, 邊樣must講, 邊o的可delete, 唔知會唔會好亂..."軟弱"又來敲門!! 搭地鐵返教會既時候不斷祈禱... 諗起一位弟兄曾經同我講, "你經歷o左神, 就要見證神架喇!" i know HE's with me~!
分享既時候, 都真係覺得自己講得幾亂, 不過未有時間反覆思量, 就要趕去醫院! 婆婆今晚精神好好, 佢仲話醫生同護士都讚佢叻, 進展得幾快!! 見到佢開朗返, 我既心情都輕鬆一點~ 化驗報告今日出o左, 婆婆既cancer係第三期, 因為年紀太大唔能夠做化療, 等傷口埋就要開始食擴癌藥喇! 婆婆既意志好強, 加上天父既平安, 佢得o架~ 加油!! 多謝葉媽,葉爸山長水遠都o黎探望婆婆...感動*

返到屋企...收到團長既電話, 得知婆婆既見證能夠造就好多弟兄姊妹, 真係不得不感謝神!! 神的確好奇妙, 不論我講成點, 都唔能夠攔阻佢既工作! 多謝天父讓我作佢既見證人!

Gain Again

婆婆今晚既面色唔錯, 比琴日紅潤一點~ 因為講野會弄痛個傷口, 加上精神都不太好, 婆婆全程都閉目養神, 我都唔忍心摟佢傾計, 只係默默守候住佢. 能夠再次見到佢既微笑, 實在好感恩! *v* 坐o係婆婆虛弱既身旁, 望住四周床位既病人, 雖然食緊一盒難食既醫院菜遠牛河, 都覺得自己好幸福~ 健康無價! o係咁凍既天氣底下, 一個人從浸會醫院步行到九龍塘地鐵站, 寒風刺骨...我諗我都要小心身體至得喇! 行返o黎屋企既時候, 有一首歌不斷o係我腦內盤旋,
"...要是我今天生活應有沒有缺乏成就 　
要是我珍惜的人有事難逗留 　
我就會想想生命中有甚麼先算幸福 　
原來在每一朝會醒就夠..."
多謝天父, 我今日又賺o左!!^^

『全人醫治 榮神益人』

感謝神! 婆婆既手術於下午六時許順利完成喇~ 進行手術之前, 院牧o係床邊同婆婆祈禱, 令婆婆更安心接受手術, 婆婆流露既平安同喜樂仲感染埋我既家人, 家人都不斷問, "點解既呢? 點解佢唔驚既?" ...我就知呢^^ 醫生話進展都相當順利, 因為麻醉藥未過, 婆婆仲未完全醒晒! 呆呆地望我地一眼又安然入睡. 剛剛見過切割出o黎既物體，比我個拳頭還要大，而家應該被化驗中．相信在短期內，我都唔會叫含內臟食品! @___@ 望住婆婆身上插滿o左喉管，自己都覺得好痛, 佢真係好堅! 好多謝每位為婆婆守望既朋友~! 你地真係我地一家既天使~

婆婆的手術

昨晚一放工, 立即趕去o左醫院探婆婆, 一邊行還一邊諗安慰既說話, "唔駛擔心架! 無事架!" "唔好理阿媽住喇! 自己身體要緊呀~" 等等等等... 到達醫院既時侯, 阿媽同另一位auntie已經o係婆婆床邊, 一見到我佢地就離開. 當我準備安慰佢之際, 佢就開口叫我唔駛擔心佢, 佢會無事! 講起阿媽, 婆婆仲可以顯得冷靜, 我比佢還要激動還要心痛 . 逗留至差不多九點, 我同婆婆一齊祈禱, 離開前婆婆仲話佢自己都有祈禱架! 神真係好勁! 起初婆婆照胃鏡都驚到死, 到而家連做手術都唔怕!! 仲安慰返我轉頭... 佢既改變, 俾我好大既鼓勵! 今日下晝三點婆婆就要入手術室喇! 求天父與婆婆同在!

A New Beginning

My blog born on the same day as Sze

“人生命的長短從不在你我掌握之中，真要趕快多作主工！” by X-man (my beloved advisor)
睇過X-man既blog, 帶來了一點領受. 婆婆患癌病, 上一代既恩怨, 繼而媽咪玩失蹤, 由昨晚起只有擔心陪住我! 真係感到好無助, 好迷茫, 甚至對神都失去信心… 眼都哭到紅紅腫腫還無法解釋事情. 但當我知道弟兄姊妹正用禱告撐住我, 天父又用唔同既人&方法話我知佢仍在將管, 仍在看顧住我~ 心裡面突然湧出一份平安, 感受到神既同在! Thanks for all your support! 感謝天父既不離不棄!! *V* 雖然呢一刻一切事情都未解決, 但係平安已經在我心~! 為配合呢個新既領受, 定意開個新account, 希望留下更多美好回憶既同時, 亦提醒自己神既恩典豐豐富富的夠我用!!