二手煙背後

七日既北京旅程終於結束，今日返港既人唔多，只係坐滿o左三份一架機。未夠六點就起床既我，呢一刻竟然無特別眼訓既感覺，或許因為諗起今日係好友既大日子，所以連一丁點倦意都無~

過去一個星期，到過我最期待參觀既旅遊點，嚐過好多美味既佳餚，還吸了五晚二手煙！可惜無導遊講解每個歷史文物既背景，單靠無線劇既認知，我同細佬兩個望住o個o的古舊既建築物，都真係無咩好深既感受。反而唔明白點解以前既皇帝會咁殘忍，用咁多人既生命去建造呢o的buildings？！不過身為中國人，一o的中史都唔識就真係有點慚愧~

從來無諗過一包煙，可以賣$800人仔~ 不過對吸二手煙既人黎講，幾矜貴既煙都同樣令人難受！每晚既飯局，都係成年人有成年人"搞關係"，年輕一輩就只有陪坐。不過琴晚就有點特殊，我同細佬竟然同兩個高官子女談起政治。 原來中國大陸年輕既一群，思想如此開放前衛，雖然有好多夢想，好多不滿，但係因為政治既因素，最後都只好屈服及被思想改造~! 突然間覺得自己實在好幸福，不論思想或言語或行為都有好大既自由，真係唔係錢可以買到!! 用盡我極有限既聽講"北京普通話"能力，希望冇引起太大既誤會啦~!! 哈^^ "改變"必須恆心及時間... 努力呀同胞們~!!

(written on the flight)