變

風雲變~
一大班團友仔，依照原定繼劃，今日一大清早就到大埔飲茶，隨後於大尾篤划艇踏單車兼燒雞翼。我因為唔願起身，只係參與玩既部份，但當我同葉葉趕到大尾篤既時候，五隻小船經已o係公海漂浮緊，仲有三個去左踏單車，最後我倆決定等埋佢地返回陸地先租車... 過左十幾分鐘，頭８名選手上岸喇~ 佢地雖然只係暴曬左一個小時，但係已經變晒水上人咁，正當大家呻緊好曬之制，突然風雲變色，立刻就落起大雨喇!! 可憐既另外三條小船，就係咁o係海中心硬食，實在令人擔心，最後因為浪大雨勁撐唔到，好在得快艇出手雙救，拖返晒大家返黎!! 有驚無險~ 不過我地就係咁遊左轉車河~ 最後大家將節目移入室內，齊齊來歡欣高歌~

晚上收到消息，得知一團友既大哥今日剛過身，心裏有點難受... 姊妹短短幾個月內失去左兩個哥哥，佢媽媽就失去兩個愛子，實在無法想像的痛~! 切切為佢一家禱告~ 不祇天氣變幻莫測，人生更加無常‧珍惜眼前人！