不只是飛鳥

昨天的病假+今天的公假，睡了兩整天似的，感覺自己似條蟲！

病既感覺唔太好，似係咩都做唔到，咳就更差，無晒心機諗有咩要做添！下晝終於忍唔住要落街走一走，曬一曬，吸一口新鮮空氣，希望可以散一散屋入面既細菌。原來近呢兩日既氣溫，已升到廿幾三十度，唔怪得會訓到一身汗啦！
坐左o係樓下公園一陣，身旁有好多公公婆婆陪伴左右，佢地望水池入面既金魚游來游去，間中仲拋兩片麵包狀既物體入水，等D金魚爭下食，就好似enjoy咁！唔知我老左會唔會好似佢地咁呢？！

望住水池邊飛來飛去既小麻雀，突然諗起一段經文：
「你們看那天上的飛鳥，也不種，也不收，也不積蓄在倉裏，你們的天父尚且養活牠。你們不比飛鳥貴重得多嗎？你們哪一個能用思慮使壽數多加一刻呢？」(Matthew 6:26-27) 多謝祂愛我！