再次飲呢種飲料﹐勾起返一點童年既回憶。都要追溯到大概廿年前。。。
每次o係阿姨赤柱既屋企過夜﹐第二朝佢都會帶我去附近既大排檔﹐食奶油多飲忌廉溝鮮奶當早餐。當時覺得阿姨都幾勁架~ 媽咪明明話﹐溝埋D野一齊飲﹐會攪肚痛架嘛! 但係飲完阿姨溝出黎既大排檔忌廉溝鮮奶又無事wor~ 仲覺得好美味添! 好神奇呀! 亦因為細時媽咪同老豆都較嚴厲﹐時刻都要循規蹈矩﹐所以跟住阿姨既日子都特別開心同輕鬆! 哈~有味覺真好! 而家﹐市面上已經有好多唔同類形既忌廉溝鮮奶製成品出售﹐唔知仲有幾多人﹐會真係買罐忌廉去自己溝鮮奶呢﹖
No comments:
Post a Comment