大日子

第一次到訪浸信會神學院，四週環境有種與世無爭既感覺，實在係靜得好緊要。由屋企出發，差不多用o左個半鐘先到達。等候Ivan入去面試期間，原本諗住o 係cafe坐下，點知剛剛過o左lunch hour，成個cafe空無一人，o的員工又進行緊清潔，令我覺得自己好阻"釘"，最後行去到圖書館，原本呢個library係唔俾非學生入架，幸而我係 第一次，結果就當我遊客o黎批准我參觀啦！如果唔係我都唔知瓢去邊。以前無想像過神學院既圖書館會收藏咩書多, 大概都係學術性既宗教書啦! 但係由入門口開始數, 發現竟然有超過四行既心理學書籍，另外輔導既書都唔少，除手拎o左一本叫"Play Therapy"既小書仔o黎睇，一睇就令我愛不釋手！最後我竟然可以o係Ivan interview完之前消化o左呢本小書籍， 哈哈！真係好耐無睇完過一本書～　書入面有一句令我頗深刻既話：「根是生入地裏的枝，枝是生在空中的根」意思係宇宙既風貌係點，depend on 我地既內心世界！呢個都係我今日既意外收穫。Ivan既interview經已順利完成，結果將於一兩日內揭曉，今日好感受到佢對結果既擔心，求上帝俾佢用順服既心面對！